「豆豆的美語世界」日常小肌肉發展訓練 | 迪士尼美語世界

成日聽人講小肌肉發展對0-6歲既小朋友成長好重要,訓練得好,對佢地日後各方面發展都有幫助。而各種小肌肉訓練就係日常生活有密切既關係,好似進食、書寫、甚至玩玩具都可以訓練到,只要俾多D 機會佢地就會慢慢見到成績!

進食方面

自豆豆坐穩後就開始引入固體食物,豆媽係採用BLW方式,全程都係自己拎住黎食,菜心、麵、生果唔同質感既食物都俾佢感受下,從細接觸腦仔會靈活D。


食米餅

 


食蔬菜、肉類
攝於豆豆・7m26days

 

書寫方面

雖然豆豆未識寫字畫畫,但書同點讀筆係可以俾佢地睇同用架喇⋯由豆豆8個月左右,豆媽會俾主教程既書本佢嘗試自己揭。如果怕撕爛可以先俾唔要既宣傳單張教佢、陪佢睇,睇得多,你會發現撕既動作都會慢慢愈黎愈小。


攝於豆豆・10m16days

點讀筆由十一個月開始識用,雖然都係篤幾下玩下,但佢有興趣既會用返手指指住,問佢邊到有波波,佢都會指出黎表示佢明白架!


攝於豆豆・11m11days

 

除咗書本,「迪士尼美語世界」會有flash card同圖卡玩,呢套係介紹卡通人物,五個幾月就比佢睇喇,手指仔識楂住張卡。

玩具方面

其實一直都好怕買玩具,第一屋企位置有限,第二愈多玩具會令佢地分心,第三唔想寵壞佢,所以豆媽揀玩具時都好小心⋯買玩具前諗下對佢有冇意義,有冇學習成份⋯

「迪士尼美語世界」除咗DVD同課本之外,係會跟埋一套Play Along 玩具,入面既玩具正正係DVD入面小朋友玩緊,所以豆豆一直都好鐘意,而豆媽都好小買其他玩具俾佢,呢段片睇到豆豆十一個月時已經識玩疊高高喇!


攝於豆豆・11m13days

其實小朋友真係可以好叻,唔好低估佢地既能力,唔好以為未夠一歲一定唔識,佢地會慢慢吸收,有日佢會做比你睇,證明佢地有留心有學到野!有媽媽會擔心睇得多眼晴會壞,但好似我咁,一日開一次DVD,睇完通常都會比佢做其他野,等佢望返遠野,其餘時間比CD佢聽,適量地運用係無問題呢!

就算只係開CD,有時豆媽都冇留意播緊咩歌,但豆豆竟然好留心,聽到歌仔唱到 “Open your hands and close them” ,”Clap your hands 1,2,3,” ,”If you are happy and you know it, step your feet” 都會做到指令,你話神奇嗎?

 

有機會再慢慢分享豆豆之後學習成長之路,下次再見啦!

 

寰宇家庭|用家分享|豆媽 Mannis 【豆豆(1歲5個月)– 胎教8個月便開始使用 DWE 】



緊貼 World Family Hong Kong Facebook 
(點擊)
於Instagram Hash TAG #WorldFamilyHongKong 分享您使用「迪士尼美語世界」Disney World of English 的時刻吧!